Hver ekur eins og ljón...

Já það var hinn glaðlegi Gylfi sem kom færandi hendi með föstudagssteypu síðustu viku. Undir stýri er Gylfi gjarnan ber að neðan og lætur hann harðkjarna bófarapp kitla hljóðhimnurnar. Þrátt fyrir að það séu hans uppáhalds kringumstæður lætur hann sig ekki vanta á fremstu víglínu þegar háannadaga ber að garði. Hefur hann oftar en ekki lagt það lóð á vogarskálarnar sem vantað hefur upp á til að knýja fram "sigurstöðu" í steypuvinnu víðsvegar á suðvesturhorninu.  Á meðfylgjandi mynd sést hvernig þeir Jón Ólafur og Stefán Elvar höfðu Gylfa í konungsstól á milli sín síðastliðinn föstudag. Héldu þeir undir sitt innralærið hvor og má greina talsverða vellíðan úr augum kauða.